《解構產科神秘面紗之一-入院做d咩？》
好多新手媽媽都是年輕貌美身壯力健，從來未因病入過醫院的，生bb可能成為佢地第一次入醫院既原因！醫院對佢地黎講就好似蒙上一層神秘既面紗，到底入左院之後會發生咩事呢！就等本執媽分幾篇講解一下喇
懷孕期間，只要你滿22週(某d醫院20週),你有咩唔舒服都可以直接入產房睇醫生，唔需要再等急症室，當然係指有急既狀況喇，例如肚痛見紅穿水、未足月既出血（產前出血）、bb 胎動減少、跌倒（我收過個症係3x週look落樓梯）等等等！就可以直接塔的士直剷入產房！
如果冇生命危險，唔好call救護車，因為救護員既指引係要送case去最就近既醫院，所以如果你住荃灣叫救護車，就只可以送你去仁濟醫院，即使知道仁濟冇產科都好，即使知道你個bb已經好危險都好，都唔可以直接送你去瑪嘉烈醫院架！新聞都有報導過，但好多時一穿水一驚，港爸媽就緊張到唔記得左，下意識就叫救護車！咁樣係會延誤左你見產科醫生既時間架！
好喇！終於到左醫院喇！助產士會幫你做個檢查，如果有需要就會做陰道檢查！例如子宮已經有規律收縮、穿咗水而你沒有胎盤前置、不是未足月的話，我地就會使出'加藤鷹之手'幫你做個檢查喇，幅圖就係檢查時既擺位喇，所以！入院前都要做好被檢查既心理準備呀～
同埋入醫院我地為左確保母嬰安全，一定會留院觀察一晚架，所以唔好入院做完個檢查嗰一刻冇問題就扭計要出院啊～每次入院都帶定走佬袋就最安全喇
#產房 #人生第一次入院 #yo入院之嘛
#下身要脫光光的 #我地見慣架唔駛尷尬
#做好心理準備 #加藤鷹之手
✌🏻
Search